rss

ہیدا نوئرٹ کی محکمہ خارجہ میں بطور ترجمان تقرری

العربية العربية, Français Français, Português Português, Русский Русский, Español Español

محکمہ خارجہ امریکہ
دفتر ترجمان
برائے فوری اجراء
میڈیا پیغام
24 اپریل 2017

محکمہ خارجہ ہیدا نوئرٹ کو اپنی نئی ترجمان کے طور پر خوش آمدید کہتا ہے۔ نوئرٹ ٹی وی میزبان اور نامہ نگار کے طور پر 15 سالہ تجربے کی حامل ہیں۔ صحافتی ذمہ داریوں کے سلسلے میں وہ اندرون و بیرون ملک  بہت سے اہم واقعات کی کوریج کر چکی ہیں جن میں نائن الیون کے دہشت گرد حملے، عراق جنگ اور سوڈان کے علاقے ڈارفر میں نسل کشی شامل ہیں۔

امریکی انتظامیہ کی خارجہ پالیسی ترجیحات سے عوام اور دنیا کو آگاہ کرنے میں ہیدا کا میڈیا کے میدان میں تجربہ اور عالمی امور میں طویل مدتی دلچسپی انمول ثابت ہو گی۔

نوئرٹ محکمہ خارجہ میں ملازمت اختیار کرنے سے پہلے نیویارک میں فاکس نیوز چینل میں میزبان اور نامہ نگار کے طور پر کام کر رہی تھیں۔ صبح کے مقبول نیوز شو ‘فاکس اینڈ فرینڈز’ میں وہ بریکنگ نیوز دینے کی ذمہ دار تھیں۔ علاوہ ازیں انہوں نے فاکس نیوز پر باقاعدگی سے انفرادی اور مشترکہ پروگرام کیےنیز ریڈیو، سیٹلائٹ ریڈیو اور انٹرنیٹ سمیت ہر نیوز پلیٹ فارم پر کام کیا۔

نوئرٹ نے کولمبیا یونیورسٹی گریجویٹ سکول آف جرنلزم سے گریجویشن کرنے کے بعد فاکس چینل میں ملازمت اختیار کی تھی۔ اندرون ملک انہوں نے گزشتہ چار صدارتی انتخابات میں رپورٹنگ کی جبکہ جنگ زدہ ممالک، ری پبلکن اور ڈیموکریٹ کنونشنز اور افتتاحی تقریبات کی اطلاعات بھی بہم پہنچائیں۔ انہوں نے اورلینڈو، سان برنرڈینو اور بوسٹن کے دہشت گرد حملوں کی کوریج کے ساتھ ساتھ 2008 کے مالیاتی بحران کی اطلاعات بھی ناظرین تک پہنچائیں۔

فاکس نیوز میں شمولیت سے قبل نوئرٹ نے اے بی سی نیوز کی نامہ نگار کے طور پر کام کیا جہاں انہوں نے بریکنگ نیوز سے متعلق اطلاعات کے حصول کی غرض سے اندرون و بیرون ملک بہت سے سفر کیے۔ اے بی سی نیوز میں کام کے دوران عراق جنگ میں وہاں کی نوعمر لڑکیوں کے حوالے سے کام پر انہیں ایمی ایوارڈ کے لیے بھی نامزد کیا گیا تھا۔ میڈیا میں آنے سے پہلے وہ صحت کی صنعت میں مشیر کے طور پر کام کرتی تھیں۔ وہ واشنگٹن ڈی سی کے ماؤنٹ ورنن کالج سے فارغ التحصیل ہیں۔

###

یہ ترجمہ ازراہِ نوازش فراہم کیا جا رہا ہے اور صرف اصل انگریزی ماخذ کو ہی مستند سمجھا جائے۔


یہ ترجمہ ازراہِ نوازش فراہم کیا جا رہا ہے اور صرف اصل انگریزی ماخذ کو ہی مستند سمجھا جائے۔
تازہ ترین ای میل
تازہ ترین اطلاعات یا اپنے استعمال کنندہ کی ترجیحات تک رسائی کے لیے براہ مہربانی اپنی رابطے کی معلومات نیچے درج کریں