rss

تارکین وطن کے بارے میں صدر کی نئی ترجیحات

Facebooktwittergoogle_plusmail
English English, Français Français, हिन्दी हिन्दी

امریکی دفتر خارجہ
دفتر برائے ترجمان
برائے فوری اجرا
وزیرخارجہ ٹلرسن کا بیان
اکتوبر8 2017

 
 

تارکین وطن کے حوالے سے صدر کی نئی ترجیحات میں مضبوط و مستحکم سرحدوں اور قوانین کی مدد سے ملکی حفاظت کے ذریعے امریکی شہریوں کے تحفظ اور ہماری خودمختاری یقینی بنانے پر توجہ مرکوز کی گئی ہے۔ وفاقی حکومت کا پہلا فرض امریکی عوام کی سلامتی یقینی بنانا ہے اور صدر ٹرمپ کے اقدامات ہمارے امیگریشن نظام میں موجود کمزوریوں کا خاتمہ کر دیں گے جو وطن کی حفاظت کے حوالے سے ہماری اہلیت میں رکاوٹ کا باعث بنتی ہیں۔

دفتر خارجہ دوسرے طریقوں کے ساتھ ساتھ پاسپورٹ میں دھوکہ دہی کے خلاف کڑی کارروائی، تمام ویزا درخواستوں کی جامع چھان بین اور تمام ممالک پر غیرقانونی امیگریشن کو نقطہ آغاز پر ہی ختم کرنے کے لیے دباؤ ڈال کر اپنے حصے کا کام کرے گا۔ دوسرے وفاقی اداروں کے ساتھ کام کرتے ہوئے ہم ایسے اقدامات پر عملدرآمد جاری رکھیں گے جن کے ذریعے مہاجرین کی آبادکاری کے سلسلے میں موثر جائزہ ممکن ہو سکے گا۔ امریکیوں کی حفاظت کے لیے نئے اقدامات اٹھاتے ہوئے ہم یہ امر بھی یقینی بنائیں گے کہ امریکہ بدستور دنیا بھر کے لوگوں کے لیے آزادی کا مینارہ رہے۔

# # #


یہ ترجمہ ازراہِ نوازش فراہم کیا جا رہا ہے اور صرف اصل انگریزی ماخذ کو ہی مستند سمجھا جائے۔
تازہ ترین ای میل
تازہ ترین اطلاعات یا اپنے استعمال کنندہ کی ترجیحات تک رسائی کے لیے براہ مہربانی اپنی رابطے کی معلومات نیچے درج کریں