rss

ຄຳປາໄສຂອງປະທານະທິບໍດີ Trump ຕໍ່ກັບພົນທະຫານທີ່ປະຈຳການຢູ່ຖານທັບອາກາດໂຢໂກຕະ

English English, Tagalog Tagalog, Malay Malay, Indonesian Indonesian, ไทย ไทย, ភាសាខ្មែរ ភាសាខ្មែរ

ສຳລັບການຖະແຫຼງຂ່າວທັນທີ
ວັນທີ 5 ພະຈິກ 2017
ຖານ​ທັບ​ອາ​ກາດໂຢ​ໂກ​ຕະ
ຟຸດຊາ, ຍີ່ປຸ່ນ

 

ປະທານະທິບໍດີ Trump:  ຂ້າພະເຈົ້າມັກອັນນີ້ຫຼາຍກວ່າ.  (ຕົບມື).  ທ່ານເອົາເສື້ອຄຸມຂອງຂ້າພະເຈ້າກໍໄດ້.  ແມ່ນບໍ?  ຂ​ອບ​ໃຈ.  ຂອບໃຈ, ທີ່ຮັກ.  ຂ​ອບ​ໃຈ.

ໂອ, ນ້ອງຊາຍ, ນັ້ນແມ່ນບາງຢ່າງ.  ນີ້ແມ່ນກຸ່ມບຸກຄົນທີ່ສຸດພິເສດຫຼາຍ.  ຂອບໃຈຫຼາຍໆ, ແລະ ທ່ານນາຍພົນ Martinez, ທຸກຄົນ, ສຳລັບການອຸທິດຕົນນຳພາ​ທະຫານ​ຂອງ​ພວກ​ເຮົາ​ຢູ່​ທີ່​ນີ້​ໃນ​ຍີ່ປຸ່ນ ​ແລະ ​ໂດຍ​ສະ​ເພາະ​ແລ້ວ ຂໍ​ຂອບ​ໃຈ — ​​ເປັນ​ພິ​ເສດ, ​ເປັນ​ພິ​ເສດ — ມາ​ຍັງພົນທະຫານ​ທີ່​​ແສນ​ພິເສດທຸກ​ຄົນ.

ພວກ​ເຮົາ​ຢູ່​ທີ່​ນີ້​ແລ້ວ​ມື້​ນີ້, ພວກ​ເຮົາ​ຈະ​ມີ​ຊ່ວງ​ເວລາ​ທີ່​ດີ ​ແລະ ພວກ​ເຮົາຈະ​ສະຫຼອງຄວາມ​ສຳ​ເລັດ​ຂອງ​ພວກ​ທ່ານ.  ສະ​ນັ້ນ, ຂໍ​ໃຫ້​ຂ້າພະ​ເຈົ້າອອກໜຶ່ງ​ໃນ​ຄຳ​ສັ່ງ​ທີ່​ພວກ​ທ່ານ​ມັກ.  ພວກ​ທ່ານ​ພ້ອມ​ແລ້ວ​ບໍ?  ຕາມ​ສະ​ບາຍ!  ຕາມ​ສະ​ບາຍ!  (ຕົບມື).  ​ເຊີນ​ນັ່ງ​ລົງ.  ຕອນ​ນີ້​​ເຊີນ​ຕາມ​ສະບາຍ​ເລີຍ.  (ສຽງ​ຫົວ).  ​​ເຊີນ​ຕາມ​ສະບາຍ​ເລີຍ.

Melania ແລະ ຂ້າ​ພະ​ເຈົ້າ​ຍັງ​ຂໍ​ສະ​ແດງ​ຄວາມ​ຂອບ​ໃຈ​ພິ​ເສດ​ມາ​ຍັງ​ທ່ານເອກ​ອັກຄະ​ລັດສະ​ທູດ Bill Hagerty ຜູ້​ທີ່​​ປະຕິ​ບັດ​ໜ້າ​ທີ່​ໄດ້​ເປັນ​ຢ່າງ​ດີ.  ລາວ​ເປັນ​ບຸກຄົນ​ທີ່​ດີ​ເດັ່ນ​ຫຼາຍ.  ຂ້າພະ​ເຈົ້າ​ຮູ້ຈັກ​ລາວ​ເປັນ​ຢ່າງ​ດີ.  ຂໍ​ໃຫ້​ເຊື່ອ​ຂ້າພະ​ເຈົ້າ, ພວກ​ທ່ານ​​ມີໜຶ່ງ​ໃນ​ເຈົ້າ​ໜ້າ​ທີ່​ ທີ່​ດີທີ່​ສຸດ​.  ​ລາວ​ກຳລັງ​ນຳພາ​ສະຖານທູດ​ອາ​ເມ​ລິ​ກາ​ຂອງ​ພວກ​ເຮົາ​ຢູ່​ກຸງ​ໂຕ​ກຽວ.

ຂ້າພະ​ເຈ້າ​​ຮູ້​ສຶກ​ເປັນ​ກຽດ​ຢ່າງ​ຍິ່ງ​ທີ່​ໄດ້​ຢູ່​ທີ່​ນີ້​ໃນ​ມື້​ນີ້​ໃນ​ປະ​ເທດ​ທີ່​ສວຍ​ງາມ​ແຫ່ງ​ນີ້ ເຊິ່ງ​ເປັນ​ບ້ານ​ຂອງປະ​ຊາ​ຊົນ​ຍີ່​ປຸ່ນຜູ້​​ແສນ​ວິ​ເສດ.  ຍີ່ປຸ່ນ​ແມ່ນ​ຄູ່​ຮ່ວມ​ງານ​ທີ່​ລໍ້າ​ຄ່າ ​ແລະ ​ເປັນ​ພັນທະ​ມິດ​ທີ່​ສຳຄັນ​ທີ່​ສຸດ​ຂອງ​ສະຫະລັດ.  ​ແລະ ​ໃນ​ມື້​ນີ້ ພວກ​ເຮົາຂໍ​ຂອບ​ໃຈ​ພວກ​ເຂົາທີ່​ໃຫ້ການ​ຕ້ອນຮັບ​ພວກ​ເຮົາ​ເປັນ​ຢ່າງ​ດີ ​ແລະ ສຳລັບ​ມິດຕະພາບ​ທີ່​ແສນ​ວິ​ເສດ​ທີ່​ມີ​ມາຍາ​ວນານ​ຫຼາຍທົດ​ສະ​ວັດ​ລະຫວ່າງ​ສອງ​ຊາດ​ພວກ​ເຮົາ.

ອາ​ເມ​ລິ​ກາ​ໃຫ້​ການ​ເຄົາ​ລົບ ແລະ ການ​ຍົກ​ຍ້ອງ​ປະ​ຊາ​ຊົນ​ຍີ່​ປຸ່ນ​ຢ່າງ​ສຸດ​ຊຶ້ງ — ວັດ​ທະ​ນະ​ທີ່​ມະ​ຫັດ​ສະ​ຈັນ​ຂອງ​ເຂົາ​ເຈົ້າ, ຈິດ​ວິນ​ຍານ​ທີ່​ເຂັ້ມ​ແຂງ​ຂອງ​ເຂົາ​ເຈົ້າ ແລະ ປະ​ຫວັດ​ສາດ​ທີ່​ໜ້າ​ພູມ​ໃຈ​ທີ່​ສຸດຂອງ​ເຂົາ​ເຈົ້າ.

ສະ​ນັ້ນ, ໃນ​ນາມ​ຕາງ​ໜ້າ​ໃຫ້​ສະ​ຫະ​ລັດອາ​ເມ​ລິ​ກາ, ຂ້າ​ພະ​ເຈົ້າ​ຂໍ​ສົ່ງ​ຄຳ​ອວຍ​ພອນ​ທີ່​ອັນ​ປະ​ເສີດ​ສຸດ​ຈາກ​ປະ​ຊາ​ຊົນ​ຊາວ​ອາ​ເມ​ລິ​ກາ​ມາ​ຍັງ​​ພົນ​ລະ​ເມືອງ​ຂອງ​ປະ​ເທດ​ທີ່ວິ​ເສດ​ນີ້.  (ຕົບມື).

ອືມ, ຕອນ​ນີ້ ຂ້າພະ​ເຈົ້າ​ຮູ້​ວ່າ​ບັນດາ​ທ່ານ​ຮູ້ສຶກ​ແນວ​ໃດ.  ນີ້​ແມ່ນ​ດີ​ຫຼາຍ.  (ສຽງ​ຫົວ).

ການ​ເດີນ​ທາງ​ຂອງ​ພວກ​ເຮົາ​ໃນ​ທົ່ວ​ອາ​ຊີ​ຈະ​ນຳ​ພວກ​ເຮົາ​ໄປ​ເຫັນ​ສະ​ຖາ​ນ​ທີ່​ທາງ​ປະ​ຫວັດ​ສາດ​ຫຼາຍໆ​ແຫ່ງ ເພື່ອ​​ເບິ່ງ​ສະ​ຖານ​ທີ່ທີ່​ມະຫັດສະຈັນ​ຫຼາຍໆ​ແຫ່ງ ແລະ ເພື່ອ​ເວົ້າ​ຕໍ່​ໜ້າ​ຜູ້​ຊົມ​ຫຼາຍໆ​ຄົນ.  ແຕ່​ບໍ່​ມີ​ສະ​ຖານ​ທີ່​ແຫ່ງ​ໃດ​ທີ່​ຂ້າ​ພະ​ເຈົ້າ​ຢາກ​ຈະ​ເລີ່ມ​ການ​ເດີນ​ທາງ​ຂອງ​ຂ້າ​ພະ​ເຈົ້າ​ໄດ້​ດີກວ່າ​ບ່ອນ​ນີ້, ພ້ອມ​ກັບ​​ທ່ານ​ທຸກ​ຄົນ — ສຸ​ພາບ​ບູ​ລຸດ ແລະ ສະ​ພາບ​ສະ​ຕີ​ທີ່​ປະ​ເສີດ​ຂອງກອງ​ທັບ​ສະ​ຫະ​ລັດ — ແລະ ຄູ່​ຮ່ວມ​ງານ​ທີ່ມະ​ຫັດ​ສະ​ຈັນ​ຂອງ​ທ່ານ, ກອງ​ກຳ​ລັງ​ປ້ອງ​ກັນ​ຕົນ​ເອງ​ແຫ່ງ​ຍີ່​ປຸ່ນ.  ຂໍ​ຂອບ​ໃຈ​ສຳລັບ​ການ​ມາປະຈຳ​ທີ່​ນີ້.  ຂໍຂ​ອບ​ໃຈ.  (ຕົບມື).

ເພື່ອ​ທຸກ​ຄົນ​​ຢູ່​ທີ່​ນີ້​ໃນ​ມື້​ນີ້​ຜູ້​ທີ່​ຮັບ​ໃຊ້​ປະ​ເທດ​ຂອງ​ທ່ານ​ຮ່ວມ​ກັນ: ຂໍຂ​ອບ​ໃຈ. ຂໍຂ​ອບ​ໃຈ.  ຂໍຂ​ອບ​ໃຈ.  ພວກ​ເຮົາ​ຂໍ​ຄຳນັບ​ບັນດາ​ທ່ານ — (ສຽງ​ຫົວ) — ຍົດ​ຂອງ​ທ່ານ​ແມ່ນ​ຫຍັງ?  (ສຽງ​ຫົວ).  ພວກ​ເຮົາ​ຈະ​ເລື່ອນ​ຍົດ​ໃຫ້.  (ຕົບມື).  ພວກ​ເຮົາ​ຂໍ​ຄຳ​ນັບ​ທ່ານ, ພວກ​ເຮົາ​ເຄົາ​ລົບ​ທ່ານ ແລະ ພວກ​ເຮົາ​ຢືນ​ຄຽງ​ຂ້າງ​ຢ່າງ​ພາກ​ພູມ​ໃຈ​ກັບ​ທ່ານ​ຍິງ ແລະ ທ່ານ​ຊາຍ​ ຜູ້​ທີ່​ປົກ​ປ້ອງ​ພວກ​ເຮົາ ແລະ ວິ​ຖີ​ຊີ​ວິດ​ຂອງ​ພວກ​ເຮົາ.  ຊາດ​ໄດ້ຖືກສ້າງຂື້ນ​ຈາກ ​ຄວາມ​ກ້າ​ຫານ, ຄວາມ​ຮັກ ແລະ ການ​ເສຍ​ສະ​ຫຼະ​ຂອງ​ນັກ​ຮົບຜູ້​ຮັກ​ຊາດ​ເຊັ່ນ​​ບັນ​ດາ​ທ່ານ.

ບັນດາທ່ານແຕ່ລະຄົນໄດ້ສືບທອດມໍລະດົກທີ່ໜ້າພາກພູມໃຈມາຫຼາຍເຊັ່ນຄົນຂອງນັກຮົບຜູ້ກ້າຫານຜູ້ເຄີຍກ້າວຍ່າງໃນທຸກໆພື້ນດິນເຫຼົ່ານີ້ມາຫຼາຍກວ່າ​ເຈັດທົດສະວັດມາແລ້ວ.

ຈາກສະໜາມບິນໂຢໂກຕະ, ນັກບິນອາເມລິກາບິນສູ່ນ່ານຟ້າ ແລະ ຂັບ​ໄລ່​ພວກ​ຮຸກ​ຮານ​​ໃຫ້​ກັບ​ໄປ​ໃນ​​ຊ່ວງ​ສົງ​ຄາມ​ເກົາ​ຫຼີ.  ຄວາມ​ກ້າຫານ​ທີ່​ຍິ່ງ​ໃຫຍ່.  ຄວາມ​ໃຈ​ກ້າ​ທີ່​ສຸດ​ຍອດ.  ຈາກ​ທີ່​ນີ້ ພວກ​ເ​​ຂົາ​ບັງ​ຄັບ​ການ​ປະ​ຕິ​ບັດສັນ​​ຕິ​ພາບ​ທີ່​ລໍ້າ​ຄ່າໃນ​ລະ​ຫວ່າງ​ສົງ​ຄາມ​ເຢັນ​ທີ່​ຍາວ​ນານ ແລະ​ ຂົມ​​ຂື່ນ.  ແລະ ຫຼັງ​ຈາກ​ເຫດ​ການ​ຄື້ນ​​ຊື່​ນາ​ມິ​ທີ່​ທຳ​ລາຍ​ລ້າງ​ໃນ​ປີ 2011, ຖານ​ທັບ​ແຫ່ງ​ນີ້​ໄດ້​ຮັບ​ໃຊ້​ເປັນ​ຈຸດ​ເປີດ​ປະ​ຕິ​ບັດ​ການ​ໂຕ​ໂມ​ດາ​ຈິ — ເຊິ່ງ​ເປັນ​ປ​ະ​ຕິ​ບັດ​ການ​ບັນ​ເທົາ​ທຸກ​ດ້ານ​ມະ​ນຸດ​ສະ​ທຳ​ທີ່​ໃຫຍ່​ທີ່​ສຸດ​ໃນ​ປະ​ຫວັດ​ສາດ​ອາ​ເມ​ລິ​ກາ ເຊິ່ງ​ຊ່ວຍ​ຊີ​ວິດ​ປະ​ຊາ​ຊົນ​ຍີ່​ປຸ່ນ​​ຫຼາຍ​​ໆແສນ​ຄົນ.

ຄື​ກັນ​ກັບ​ຜູ້​ທີ່​ເຄີຍ​ມາ​​ທີ່​ນີ້ກ່ອນ​ທ່ານ, ທ່ານ​ລຸກ​ຂຶ້ນ​ຕໍ່​ສູ້​ເພື່ອ​ໂອ​ກາດ​ສະ​ເໝີ ແລະ ທ່ານ​ບໍ່​ມີ​ວັນ​ເຮັດ​ໃຫ້​ປະ​ເທດ​ຊາດ​ຂອງ​ທ່ານ​ຜິດ​ຫວັງ.

ທ່ານ​ນາຍພົນ Martinez, ທ່ານນາຍ​ພົນ Chiarotti, ທ່ານ​ນາຍ​ພົນ Pasquarette, ທ່ານ​ພົນ​ເຮືອ​ຕຣີ Fenton, ທ່ານ​ພົນ​ຈັດຕະວາ Winkler, ທ່ານ​ພັນ​ເອກ Moss ​ແລະ ທ່ານພັນ​ຈ່າ​ອາກາດ​ເອກ Greene:  ທ່ານ​ນຳ​ພາ​ກອງ​ທັບ​ທີ່​ພາຍ​ໃຕ້​ບັນ​​ຊາ​ຂອງ​ທ່ານດ້ວຍ​ທັກ​ສະ​ຄວາມ​ສາ​ມາດ ແລະ ການ​ອຸ​ທິດ​ຕົນ​​ທີ່​ເປັນ​ເລີດ, ແລະ ຊາວ​ອ​ເມ​ລິ​ກາ​ທຸກ​ຄົນ​ສຳນຶກ​ໃນ​ບຸນຄຸນ​ຂອງ​ພວກ​ທ່ານ​ຢ່າງ​ໃຫຍ່​ຫຼວງ.  (ຕົບມື).

ນອກນັ້ນ ພວກເຮົາຍັງໂຊກດີທີ່ມີພັນທະມິດທີ່ເຂັ້ມແຂງ ແລະ ມີ​ຄວາມ​ສາມາດ​ຢູ່​ຄຽງຂ້າງ.  ທ່ານ​ນາຍ​ພົນ Maehera, ທ່າ​ນນາຍ​ພົນ Asai, ທ່ານ​ນາຍ​ພົນ Imaki ​ແລະ ທ່ານ​ນາຍ​ພົນ Ando:  ຂໍຂອບໃຈສຳລັບການນຳພາ ແລະ ການປະຕິບັດໜ້າທີ່ຂອງພວກທ່ານ.  ຂໍຂ​ອບ​ໃຈ. ຂອບ​ໃຈ​ຫຼາຍໆ.  (ຕົບມື).

ໃນນາມປະຊາຊົນຊາວອາເມລິກາ, ຂ້າພະເຈົ້າຕ້ອງການໃຫ້ພວກທ່ານແຕ່ລະຄົນ, ທັງ​ອາ​ເມ​ລິ​ກາ ແລະ ຍີ່​ປຸ່ນ, ຮູ້ວ່າການປະຕິບັດໜ້າທີ່ ແລະ ຄວາມ​ມຸ່ງ​ໝັ້ນ​ຂອງ​ພວກ​ທ່ານ​ຊ່ວຍ​ຮັກ​ສາ​ໃຫ້​ພວກ​ເຮົາ​ທຸກ​ຄົນ​ປອດ​ໄພ, ເຂັ້ມ​ແຂງ ແລະ ມີ​ເ​ສ​ລີ​ພາບ.

ຂ້າ​ພະ​ເຈົ້າ​​ຂໍ​ສະ​ແດງ​ຄວາມ​ຮູ້​ບຸນ​ຄຸນ​ຢ່າງ​ສຸດ​ຊຶ້ງ​ມາ​ຍັງ​ສະ​ມາ​ຊິກ​ຄອບ​ຄົວ ແລະ ​​ບຸກ​ຄົນ​ທີ່​ຮັກ​ຜູ້​ທີ່​ເສຍ​ສະ​ຫຼະ​ຢ່າງ​ໃຫຍ່​ຫຼວງ​ໃນ​ການ​ປະ​​ຕິ​ບັດ​ໜ້າ​ທີ່​ເພື່ອ​ຊາດ​ຂອງ​ທ່ານ.  ພວກ​ເຂົາ​ແມ່ນ​ບຸກຄົນ​ທີ່​ດີ​ເລີດ​ທີ່​ສຸດ ​ແລະ ມັນ​ບໍ່​ງ່າຍ​ເລີຍ.  ຊາວ​ອາ​ເມ​ລິ​ກາ​ຮູ້​ບຸນ​ຄຸນ ແລະ ພາກ​​ພູມ​ໃຈ​ຕໍ່​ກັບ​ທ່ານ​ທຸກ​ຄົນ.

​ແລະ ພວກ​​ເຮົາ, ກັບ​ມາ​ບ້ານ, ​ເລີ່​ມ​ຕົ້ນ​ເຮັດ — ຂ້າພະ​ເຈົ້າ​ຈະ​ບອກ​ທ່ານ, ​ແລະ ທ່ານ​​ກຳລັງ​ອ່ານ​ເຫັນ ​ແລະ ທ່ານ​ກຳລັງ​ເຫັນ — ດີ​ຫຼາຍ, ດີຫຼາຍ​ແທ້ໆ.  ​ຕະຫຼາດຮຸ້ນ​ຢູ່​ໃນ​ຈຸດ​ສູງ​ສຸດ​ຕະຫຼອດ​ການ.  (ຕົບມື).  ອັດຕາ​ການ​ຫວ່າງ​ງານ, ກັບ​ຄືນ​ໄປ​ສະຫະລັດ, ​ແມ່ນ​ຕໍ່າ​ສຸດ​ໃນ​ຮອບ 17 ປີ.  (ຕົບມື).  ວຽກ​ເຮັດ​ເພີ່ມ​ຂຶ້ນ​ເກືອບ 2 ລ້ານ​ຕຳ​ແໜ່​ງນັ​ບຕັ້ງ​ແຕ່​ມື້​ທີ່​ພິ​ເສດ​ພິ​ເສດ​ທີ່​ສຸດ; ນັ້ນ​ຄືວັນ​ເລືອກ​ຕັ້ງ ວັນ​ທີ 8 ພະຈິກ.  ​ວຽກ​ເຮັດ​ສອງ​ລ້ານ​ຕຳ​ແໜ່​ງ.  (ຕົບມື).  ມັນ​ແມ່ນ​ວຽກ​ເຮັດ​ທີ່​ຫຼວງຫຼາຍ.

​ແລະ ພວກ​ເຮົາ​ໄດ້​ຮັບມື​ກັບ ISIS ຢ່າງ​ຮາບ​ຄາບ​ຄັ້ງ​ແລ້ວ​ຄັ້ງ​ອີກ.  ​ແລະ ມັນ​ກ່ຽວ​ກັບ​ເວລາ.  (ຕົບມື).

ມັນ​ເປັນ​ແຮງ​ບັນ​ດານ​ໃຈ​ຢ່າງ​ແທ້​ຈິງ​ທີ່​ຈະ​ເຫັນ​ທະຫານ​ອາກາດ ແລະ ທະຫານ​ເຮືອອາ​ເມ​ລິ​ກາ ​ແລະ — (ຕົບມື) — ທ່ານ​ຮູ້​ບໍ, ຂ້າພ​ະ​ເຈົ້າ​ມີ​ທະຫານ​ເຮືອ​ທີ່​ດີ​ເລີດ​ຢູ່​ທີ່​ນີ້:  ທ່ານ​ນາຍ​ພົນ Kelly, ສີ່​ດາວ.  ​ໃຜ​ເຄີຍ​ໄດ້​ຍິນ​ຊື່ທ່ານ​ນາຍ​ພົນ Kelly ບໍ?  ​ທ່ານ​ນາຍ​ພົນ Kelly ຢູ່​ໃສ?  (ຕົບມື).  ລາວ​ແມ່ນ​ບາງ​ຢ່າງ.  ຕອນ​ນີ້ ລາວ​ແມ່ນ​ຫົວໜ້າ​ທະຫານ.  ​ແຕ່​ລາວ​ມັກ​ສີ່​ດາວ​ເຫຼົ່ານັ້ນ, ຂ້າພະ​ເຈົ້າຕ້ອງການ​ບອກ​ທ່ານ​ສິ່ງ​ນັ້ນ.  (ສຽງ​ຫົວ).

​ແຕ່​ທະຫານ​ອາກາດ ​ແລະ ທະຫານ​ເຮືອ​ອາ​ເມ​ລິ​ກາ ແລະ ກອງ​ກຳ​ລັງ​ປ້ອງ​ກັນ​ຕົນ​ເອງ​ແຫ່ງ​ຍີ່​ປຸ່ນກຳລັງຢືນ​ຢູ່​ທີ່​ນີ້ກັບ​ພວກ​ເຮົາ​ໃນ​ວັນນີ້, ​ຄຽງ​ຂ້າງກັນ, ດ້ວຍ​ຄວາມ​ໝັ້​ນ​ໃຈ, ​ຄວາມມຸ່ງ​ໝັ້ນ ແລະ ມີ​ຄວາມ​ສາ​ມາດຫຼາຍ​ກວ່າທີ່​ເຄີຍ.  ​ທ່ານ​ປູກ​ຝັງ​ຄວາມ​ເຊື່ອ​ໝັ້ນ​ໃນ​ໃຈ​ຂອງ​ພັນ​ທະ​ມິດ​ຂອງ​ພວກ​ເຮົາ ແລະ ທ່ານ​​ໄດ້​ສ້າງ​ຄວາມ​ຢ້ານ​ກົວ​ໃນ​ໃຈ​ຂອງສັດ​ຕູ​ຂອງ​ພວກ​ເຮົາ.  ນັ້ນ​ແມ່ນ​ວິທີ​ທີ່​ມັນ​ຄວນ​ເປັນ, ບໍ່​ແມ່ນ​ບໍ?  (ຕົບມື).

ພັນ​ທະ​ມິດ​ຂອງ​ພວກ​ເຮົາ​​ແມ່​​ນຂໍ້​ພິສູດ​ທີ່​ຈະ​ແຈ້ງ​ເຖິງ​ຕໍ່​ກັບ​ພະ​ລັງ​ແຫ່ງ​ການ​ປ່ຽນ​ແປງ​ຂອງ​ເສ​ລີ​ພາບ.  ມື້​ນີ້, ​ປະ​ເທດຊາດ​ທີ່​ເຄີຍ​ເຮັດ​​ສົງ​ຄາມ​ມາ​ກ່ອນ ຕ​ອນ​ນີ້​ຢູ່​ຮ່ວມ​ກັນ​ໃນ​ຖາ​ນະ​ເປັນ​ເພື່ອນມິດ ແລະ ຄູ່​ຮ່ວມ​ງານ​ໃນ​ການ​ສະ​ແຫວງ​ຫາ​ໂລກ​ທີ່​ດີກວ່າ​ຫຼາຍ.  ​ແລະ ພວກ​ເຮົາ​ກຳລັງ​ຈະ​ບັນລຸ​ໄດ້.  ພວກ​ເຮົາຈະ​ບັນລຸ​ໄດ້​ສິ່ງ​ນັ້ນ​ໄວ​ກວ່າ​ທີ່​ທ່ານ​ຄິດ​.

ດ້ວຍ​ການ​ຢູ່​ທີ່ນີ້​ຂອງ​ທ່ານ​ໃນ​ມື້​ນີ້​ຄຽງ​ບ່າ​ຄຽງ​ໄຫຼ່, ທ່ານ​ໃຫ້​ຄວາມ​ຫວັງ​ຕໍ່​ທຸກ​ຊີ​ວິດ​ທີ່​ຕ້ອງ​ການ​ຄວາມ​ສະ​ຫງົບ.  ທ່ານ​ທຸກ​ຄົນ​ໄດ້​ເຮັດ​ໃຫ້​ໂຢ​ໂກ​ຕະເປັນ​ໜຶ່ງ​ໃນ​ຖານ​ປະ​ຕິ​ບັດ​ການ​ທີ່​ມີ​ຄວາມ​ສາ​ມາດ​ຫຼາຍທີ່​ສຸດ​ໃນ​ຍີ່​ປຸ່ນ ​ແລະ, ອັນ​ທີ່​ຈິງ​​ແລ້ວ, ​ໃນ​ທຸກ​ບ່ອນ​ທົ່ວ​ໂລກ.  ເປັນ​ເວ​ລາຫຼາຍກວ່າໜຶ່ງ​ທົດ​ສະ​ວັດ, ​ສະ​ຖານ​ທີ່ທີ່​ມະຫັດສະຈັນ​ນີ້​ບໍ່​ພຽງ​ແຕ່ເຄີຍ​ເປັນ​ບ້ານ​ຂອງທະ​ຫານປະຈຳການ​ຂອງອາ​ເມ​ລິ​ກາ​ເທົ່າ​ນັ້ນ, ແຕ່​ຍັງ​ເປັນ​ກອງ​ບັນ​ຊາ​ການ​ປ້ອງ​ກັນ​ທາງ​ອາ​ກາດ​ຂອງກອງ​ກຳ​ລັງ​ປ້ອງ​ກັນ​ຕົນ​ເອງ​ແຫ່ງ​ຍີ່​ປຸ່ນ.  ໃນ​ມື້​ນີ້​ຖານ​ທັບ​ແຫ່ງ​ນີ້​ໃຊ້​ເປັນ​ສູນ​ກາງ​ທີ່​ສຳ​ຄັນສຳລັບ​ການ​ປະສານ​ງານ​ສຳ​ລັບ​ຜູ້​ບັນ​ຊາ​ການ​ທະ​ຫານ​ອາ​ເມ​ລິ​ກາ ແລະ ຍີ່​ປຸ່ນ​ເພື່ອວາງ​ແຜນ​ພາ​ລະ​ກິດ​ຂອງ​ເຂົາ​ເຈົ້າ.

ເປັນ​ເວ​ລາ​ເກືອບ 60 ປີ​ທີ່​ພັນ​ທະ​ມິດ​ທາງ​ການ​ທະ​ຫານ​ທີ່​ພວກ​ເຮົາ​ເຫັນ​ໃນ​ຖານ​ທັບ​ແຫ່ງ​ນີ້​ຍັງ​ຄົງ​ຢູ່ — ເປັນ​ພື້ນ​ຖານ​ອະ​ທິ​ປະ​ໄຕ, ຄວາມ​ປອດ​ໄພ ແລະ ຄວາມ​ຈະ​ເລີນ​ຮຸ່ງ​ເຮືອງ​ສຳ​ລັບ​ປະ​ເທດ​ຂອງ​ພວກ​ເຮົາ, ໃນພາກ​ພື້ນ​ນີ້ ແລະໃນ​ໂລກ.  ໃນ​ມື້​ນີ້, ພວກເຮົາ​ຂໍ​ຍົກ​ຍ້ອງ​ມໍ​ລະ​ດົກ​ນັ້ນ — ມໍ​ລະ​ດົກ​ທີ່​ທ່ານ​ປົກ​ປ້ອງ ແລະ ເຕີບ​ໃຫຍ່ໃນ​ແຕ່​ລະ​ວັນ.

ພວກ​ເຮົາ​ຄວບ​ຄຸມ​ທ້ອງຟ້າ, ພວກ​ເຮົາ​ຄວບ​ຄຸມ​ທະ​ເລ, ພວກ​ເຮົາຄວບ​ຄຸມ​ພື້ນ​ດິນ ​ແລະ ອາ​ວະ​ກາດ — (ຕົບມື) — ບໍ່​ພຽງ​ແຕ່​ເປັນ​ຍ້ອນ​ວ່າ​ພວກ​ເຮົາ​ມີ​ອຸປະກອນ​ທີ່​ດີ​ພຽງ​ຢ່າງ​ດຽ​​ວ​ເທົ່າ​ນັ້ນ, ​ແຕ່​ພວກ​ເຮົາ​ຄວບ​ຄຸມ​ໄດ້ — ​ແລະ, ອີກຢ່າງ, ມີຫຼາຍຢ່າງ​ທີ່​ກຳລັງ​ເຂົ້າ​ມາ; ທ່ານ​ເຫັນງົບປະມານ​ນັ້ນ.  ​ນັ້ນ​ແມ່ນ​ສິ່ງ​ທີ່​ແຕກຕ່າງຫຼາຍທຽບ​ກັບ​ໃນ​ອະດີດ.  ອຸປະກອນ​ໃໝ່​ສວຍ​ງາມ​ຫຼາຍຢ່າງ​ກຳລັງ​ເຂົ້າ​ມາ. ​ແລະ ບໍ່​ມີ​ໃຜ​ເຮັດ​ມັນ​ແບບ​ທີ່​ພວກ​ເຂົາ​ເຮັດ​ມັນ​ໃນ​ສະຫະລັດ.  ບໍ່​ມີ​ໃຜ.  (ຕົບມື).  ມີຫຼາຍໆ​ຢ່າງ​ກຳລັງ​ເຂົ້າ​ມາ.  ຈົ່ງ​ໃຊ້​ມັນ​ໃຫ້​ດີ.

​ແຕ່​ຍ້ອນ​ວ່າພວກ​ເຮົາ​ມີ — ​ເຊິ່ງສຳຄັນ​ກວ່າ​ອຸປະກອນ, ພວກ​ເຮົາ​ມີ​ບຸກຄະລາ​ກອນ​ທີ່​ດີ​ສຸດ.  ພວກ​ທ່ານ​ແຕ່ລະຄົນຫຼໍ່ຫຼອມຄວາມ​​ເຊື່ອ​ຂອງ​ນັກຮົບ​ຜູ້​ກ້າຫານ.  ການ​ອຸທິດ​ຕົນ, ຄວາມ​ກ້າຫານ ​ແລະ ຄວາມ​ຊຳນິ​ຊຳນານ​ຂອງ​ທ່ານ​ເຮັດ​ໃຫ້​ທ່ານ​ເປັນ​ກອງ​ກຳລັງ​ຕໍ່ສູ້​ທີ່​ໜ້າ​ຢ້ານ​ກົວ​ທີ່​ສຸດ​ໃນ​ປະຫວັດສາດ​ຂອງ​ໂລກ.

​ຮ່ວມ​ກັນ​ກັບ​ພັນ​ທະ​ມິດ​ຂອງ​ພວກ​ເຮົາ, ນັກ​ຮົບ​ອາ​ເມ​ລິ​ກາ​ກຽມ​ຕົວ​ປ້ອງ​ກັນ​ປະ​ເທດ​ຂອງ​ພວກ​ເຮົາ​ໂດຍ​ໃຊ້​ຄວາມ​ສາ​ມາດ​ເຕັມ​ທີ່​ບໍ່​ມີ​ໃຜ​ທຽບ​ເທົ່າ​ກັບ​ພວກ​ເຮົາ​ໄດ້.  ບໍ່​ມີ​ໃຜ — ບໍ່​ມີຜູ້​ຜະ​ເດັດ​ການ, ບໍ່​ມີ​ລະ​ບອບ​ການ​ປົກ​ຄອງ ແລະ ບໍ່​ມີ​ຊາດ​ໃດ – ຄວນ​ດູ​ມິ່ນ, ຕະຫຼອດ​ໄປ, ​ຊາວ​ອາ​ເມ​ລິ​ກາທີ່​ແນ່​ວ​ແນ້.  ​ໃນ​ແຕ່​ລ​ະຄັ້ງ​ໃນ​ອະດີດ, ພວກ​ເຂົາ​ເຄີຍ​ດູ​ຖູ​ກພວກ​ເຮົາ.  ມັນ​ບໍ່​ແມ່ນ​ເລື່ອງ​ໜ້າ​ຍິນ​ດີ​ສຳລັບ​ພວກ​ເຂົາ, ​ແມ່ນ​ບໍ?  (ຕົບມື).  ມັນ​ບໍ່​ແມ່ນ​ເລື່ອງ​ໜ້າ​ຍິນ​ດີ.

ພວກ​ເຮົາ​ຈະ​ບໍ່​ມີ​ວັນ​ຍອມ​ແພ້, ບໍ່​ຫວັ່ນ​ໄຫວ ແລະ ບໍ່​ລັງ​ເລ​ໃຈ​ທີ່​ຈະ​ປົກປ້ອງປະ​ຊາ​ຊົນ​ຂອງ​ພວກ​ເຮົາ, ເສ​ລີ​ພາບ​ຂອງ​ພວກ​ເຮົາ ແລະ ທຸງ​ຊາດ​ມາ​ເມ​ລິ​ກາ​​ທີ່​ຍິ່ງ​ໃຫຍ່ຂອງ​ພວກ​ເຮົາ.  (ຕົບມື).  ທຸງ​ຊາດ​ນັ້ນ​ໝາຍ​ເຖິງ​ຄຸນ​ຄ່າ​ຂອງ​ສາ​ທາ​ລະ​ນະ​ຂອງ​ພວກ​ເຮົາ, ປະ​ຫວັດ​​ສາດ​​ຂອງ​ປະ​ຊາ​ຊົນຂອງ​ພວກ​ເຮົາ, ການ​ເສຍ​ສະຫຼະ​ຂອງວິ​ລະ​ບູ​ລຸດ​ຂອງ​ພວກ​ເຮົາ ແລະ ຄວາມ​​ຈົ່ງ​ຮັກ​ພັກ​ດີ​ຂອງ​ພວກ​ເຮົາ​ທີ່​ມີ​ຕໍ່​ປະ​ເທດ​ຊາດ​ທີ່​ພວກ​ເຮົາ​ຮັກ.

ຕາບ​ໃດ​ທີ່​​ຂ້ອຍ​ເປັນ​ປະ​ທາ​ນາ​ທິ​ບໍ​ດີ, ພົນ​ທະ​ຫານ​ຊາຍ ແລະ ຍິງ​ ຜູ້​ທີ່​ປົກ​ປ້ອງ​ປະ​ເທດ​ຊາດ​ຂອງ​ພວກ​ເຮົາ​ຈະ​ມີ​ອຸ​ປະ​ກອນ, ຊັບ​ພະ​ຍາ​ກອນ ແລະ ເງິນ​ທຶນ​ທີ່​ເຂົາ​ເຈົ້າ​ຕ້ອງ​ການ​ໃຊ້​ເພື່ອ​ຮັກ​ສາ​ບ້ານ​ເກີດ​ເມືອງນອນ​ໃຫ້​ປອດ​ໄພ​ເພື່ອ​ຕອບ​ໂຕ້​ກັບ​ສັດ​ຕູ​ຂອງ​ພວກ​ເຮົາ​ຢ່າງວ່ອງ​ໄວ ແລະ ຢ່າງ​ເດັ​ດ​ຂາດ ແລະ ເມື່ອ​​ຈຳ​ເປັ​ນ​ຕ້ອງ​ຕໍ່​ສູ້​ເພື່ອ​ທີ່​ຈະ​ເອົາ​ຊະ​ນະ ແລະ ເພື່ອ​ໄຊ​ຊະ​ນະ.  ແມ່ນບໍ?  (ຕົບມື).  ນີ້​ແມ່ນ​ມໍ​ລະ​ດົກ​ຂອງກອງ​ກຳ​ລັງ​ປະ​ກອບ​ອາ​ວຸດ​ອາ​ເມ​ລິ​ກາ — ກອງ​ກຳ​ລັງ​ທີ່​ຍິ່ງ​ໃຫຍ່​ທີ່​ສຸດ​ສຳ​ລັບ​ສັນ​ຕິ​ພາບ ແລະ ຄວາມ​​​ຍຸດ​ຕິ​ທຳ​ທີ່​ໂລກ​ເຄີຍ​ຮູ້​ຈັກ.

ປະ​ເທດ​ທີ່​ມີ​ສິດ​ເສ​ລີ​ພາບ​ຈະ​ຕ້ອງ​ເປັນ​ປະ​ເທດ​ທີ່​​ເຂັ້ມ​ແຂງ ແລະ ພວກ​ເຮົາ​ຍີນ​ດີ​ຕ້ອນ​ຮັບ​ເມື່ອ​ພັນ​ທະ​ມິດ​ຂອງ​ພວກ​ເຮົາ — ນັບ​ແຕ່​ເ​ອີ​ຣົບ​ຈົນ​ເຖິງ​ອາ​ຊີ — ​​ສືບ​ຕໍ່​ຄວາມ​ມຸ່ງ​ໝັ້ນ​ຂອງ​ພວກ​ເຮົາ​ເພື່ອ​ສ້າງ​ສັນ​ຕິ​ພາບ​ຜ່ານ​ຄວາມ​ເຂັ້ມ​ແຂງ.  ພວກ​ເຮົາ​ສະ​ແຫວງ​ຫາ​ສັນ​ຕິ​ພາບ ແລະ ຄວາມ​ໝັ້ນ​ຄົງ​ສຳ​ລັບ​ປະ​ເທດ​ຕ່າງ​ໃນ​ໂລກ, ​ລວມ​ທັງ​ຜູ້​ທີ່​ຢູ່​ທີ່​ນີ້​ໃນ​ພາກ​ພື້ນ​ນີ້.  ​ແລະ ມັນ​ແມ່ນ​ພາກ​ພື້ນ​ທີ່​ຍິ່ງ​ໃຫຍ່.

​ໃນ​ຖາ​ນະ​ເປັນ​ຄົນ​ອາ​ເມ​ລິ​ກາ​ພວກ​ເຮົາ​ຂໍ​ສະ​ເຫຼີມ​ສະຫຼອງວັນ​ທະ​ຫານ​ຜ່ານ​​ເສີກ​ໃນ​ເດືອນ​ນີ້, ພວກ​ເຮົາ​ໃຫ້​ກຽດທຸກ​ຄົນ​ທີ່​ເສຍ​ສະ​ລະ​ເພື່ອ​ສ້າງ​ສັນ​ຕິ​ພາບ ແລະ ຄວາມ​ໝັ້ນ​ຄົງ​ທີ່​ເປັນ​​ໄປ​ໄດ້.  ພວກ​ເຮົາ​ຂໍ​ຍົກ​ຍ້ອງ​ຕໍ່​ຄົນ​ອາ​ເມ​ລິ​ກາ​ທີ່​ໜ້າ​ພາກ​ພູມ​ໃຈທຸກ​ຄົນ​​ຜູ້​ທີ່​ໃສ່​ເຄື່ອງ​ແບບ ແລະ ຮັບ​ໃຊ້​ປະ​ເທດ​ຂອງ​ພວກ​ເຮົາ.

ໃນ​ມື້​ນີ້, ຫຼາຍໆ​ປະ​ເທດ​ໃນ​ແຖບ​ອິນ​ໂດ​ປາ​ຊີ​ຟິກ​ກຳ​ລັງ​ຈະ​ເລີນ​ຮຸ່ງ​ເຮື່ອງ​ຍ້ອນ​ການ​ເສຍ​​ສະ​ລະ​ຂອງພົນ​ທະ​​ຫານ​​ອາ​ເມ​ລິ​ກາທີ່​ປະ​ຕິ​ບັດ​ໜ້າ​ທີ່​ ແລະ ພັນ​ທະ​ມິດ​ຂອງ​ພວກ​ເຮົາ, ແລະ ຍ້ອນ​ການ​ເສຍ​ສະ​ລະ​ຂອງ​​ທ່ານ​ທຸກ​ຄົນ​ທີ່​ສືບ​ຕໍ່ເຮັດ​ໃນ​ແຕ່​ລະ​ວັນ.

ທີ່​ນີ້​ໃນ​ຍີ່​ປຸ່ນ, ພວກ​ເຮົາ​ໄດ້​ເຫັນ​ສິ່ງ​ທີ່​ມະ​ຫັດ​ສະ​ຈັນ​ທີ່​ເປັນ​ໄປ​ໄດ້​ເມື່ອ​ປະ​ຊາ​ຊົນ​ມີອິດ​ສະຫຼະ​ພາບ ແລະ ເສ​ລີ​ພ​າບ.  ຕະຫຼອດ​ຊ່ວງ​ຊີ​ວິດ​ດຽວ, ປະ​ຊາ​ຊົນ​ຍີ່​ປຸ່ນ​ໄດ້​ສ້າງ​ໜຶ່ງ​ໃນ​ສັງ​ຄົມ​ ​ແລະ ປະ​ເທດ​ຊາດທີ່​ປະ​ສົບ​ຜົນ​ສຳ​ເລັດ​ທີ່​​ສຸດ​ໃນ​ໂລກ.

ໃນ​ຊ່ວງ 10 ວັນ​ຖັດ​ໄປ, ພວກ​ເຮົາ​ຈະ​ເດີນ​ທາງ​ໄປ​ເກົາຫຼີ​ໃຕ້, ຈີນ, ຫວຽດ​ນາມ ແລະ ຟິ​ລິບ​ປິນ.  ພວກ​ເຮົາ​ຈະ​ສະ​ແຫວງ​ຫາ​ໂອ​ກາດ​ໃໝ່​ສຳ​ລັບ​ການ​ຮ່ວມ​ມື ແລະ ການ​ຄ້າ ແລະ ພວກ​ເຮົາ​ຈະ​ເປັນ​ຄູ່​ຮ່ວມ​ງານ​ກັບ​ເພື່ອນ ແລະ ພັນ​ທະ​ມິດ​ເພື່ອ​ດຳ​ເນີນ​ການ​ເປັນ​ພາກ​ພື້ນ​ອິນ​ໂດ​ປາ​​ຊີ​ຟິກ​ແບບ​ເສ​ລີ​ພາບ ແລະ ເປີດກວ້າງ.  ​ພວກ​ເຮົາ​ຈະສະ​ແຫວ​ງຫາ​ການ​ຄ້າ​ທີ່​​​ເສລີ, ຍຸຕິ​ທຳ ​ແລະ ​ໃຫ້​ຜົນ​ປະ​ໂຫຍ​ດ​ເຊິ່ງກັນ​ແລະ​ກັນ.

ແຕ່​ໃນ​ອະ​ນາ​ຄົດ​ນີ້​​ແມ່ນຢູ່​ພາຍ​ໃນ​ກຳ​ມື​ຂອງ​ພວກ​ເຮົາ​​ເທົ່າ​ນັ້ນ​ ຍ້ອນ​ບັນດາ​ທ່ານ.  ​ທ່ານ​ເຮັດ​ໃຫ້​ມັນ​ເປັນ​ໄປ​ໄດ້​ສຳ​ລັບ​ປະ​ເທດ​​ທີ່​​ຮັກ​ຄວາມ​ສະ​ຫງົບ​​ເພື່ອ​ຄວາມ​ຈະ​ເລີນ​ກ້າວ​ໜ້າ ແລະ ສຳ​ລັບ​ປະ​ຊາ​ຊົນທີ່​​​ຮັກ​​ຄວາມ​ສະ​ຫງົບ​ເພື່ອ​ຄວາມ​ຈະ​ເລີນ​ຮຸ່ງ​ເຮືອງ.

ທ່ານແມ່ນ​ເຫດ​ຜົນ​ທີ່​​​ທຸງ​ຊາດ​ອາ​ເມ​ລິ​ກາທີ່​ຍິ່ງ​ໃຫຍ່​ຈະ​​ຢູ່​ດ້ານຫຼັງ​ຂ້າ​ພະ​ເຈົ້າ​ຢ່າງ​ພາກ​ພູມ​ໃຈ​​ທຸກ​ບ່ອນ​ທີ່​ຂ້າ​ພະ​ເຈົ້າ​ໄປ.  ແລະ ທຸກ​ຄັ້ງ​ທີ່​​ຂ້າ​ພະ​ເຈົ້າ​ແນມ​ເບິ່ງ​ທຸງ​ນັ້ນ, ຂ້າ​ພະ​ເຈົ້າ​ຈະ​ຄິດ​ເຖິງ​ສຸ​ພາບ​ບູ​ລຸດ ແລະ ສະ​ພາບ​ສະ​ຕີ​ທີ່​ກ້າ​ຫານ​ເຊັ່ນ​ທ່ານ, ​ແລະ ຂ້າ​ພະ​ເຈົ້າ​ຈະ​ຄິດ​ເຖິງຜູ້​ຮັກ​ຊາດ​ຊາວ​ອາ​ເມ​ລິ​ກາ​ທຸກ​ຄົນ, ຕະຫຼອດ​ຊົ່ວ​ອາ​ຍຸ​ຄົນ, ຜູ້​ທີ່​ເສຍ​ເ​ລືອດ, ເຫື່ອ, ນ້ຳ​ຕາ, ຄວາມ​ຫວັງ ແລະ ຄວາມ​ຝັນ​ເ​ພື່ອ​ປົກ​ປ້ອງ​ປະ​ເທດ​ຂອງ​ພວກ​ເຮົາ.

ເມື່ອ​ທ່ານຕິດຕາມພົນ​ລະ​ເມືອງ​ ແລະ ປະ​ຊາ​ຊົນ​ຂອງ​ທ່ານ​ໃນທົ່ວ​ພາກ​ພື້ນ​ອິນ​​ໂດປາ​ຊີ​ຟິກ​ — ເຫັນ​ທຸງ​ແຫ່ງ​ປະ​ເທດ​ເສ​ລີ​ພາບ, ອິດ​​ສະ​ລະ​ພາບ ແລະ ອະ​ທິ​​ປະ​ໄຕ ເຊັ່ນ ສະ​ຫະ​ລັດ ແລະ ຍີ່​ປຸ່ນ, ສະ​ແດງ​ໃນ​ລະ​ຫວ່າງກອງ​ປະ​ຊຸມ​ທາງ​ການ​ທູດ​ໃນ​ຊ່ວງ​ 10 ​ວັນ​ຖັດ​ໄປ, ມີ​ຄວາມ​ຮູ້​ສຶກ​ພາກ​ພູມ​ໃຈ​ໃນ​ປະ​ເທດ​ຂອງ​ທ່ານ, ພາກ​ພູມ​ໃນ​ການ​ປະ​ຕິ​ບັດ​​ໜ້າ​ທີ່​ຂອງ​ທ່ານ ແລະ ພາກ​ພູມ​ໃຈ​ໃນ​ຄວາມ​ປອດ​ໄພ​ທີ່​ທ່ານ​​ສະ​ໜອງ​ໃຫ້ທີ່​ເຮັດ​ໃຫ້​ມັນ​ທຸກ​ຢ່າງ​ເປັນ​ໄ​ປ​ໄດ້.

ເຊັ່ນ ລຸ້ນ​ກ່ອນ​ໜ້າ​ຂອງ​ທ່ານ, ທ່ານ — ນັກ​ຮົບ​ທີ່​ກ້າ​ຫານ​ຂອງ​ພວກ​ເຮົາ — ເປັນ​ກຳ​ແພງ​ປ້ອງ​ກັນ​ສຸດ​ທ້າຍ​ທີ່​ຕໍ່​ຕ້ານ​ໄພ​​ຄຸກ​ຄາມ​ຄວາມ​ຝັນ​ຂອງ​ປະ​ຊາ​ຊົນ​ໃນ​ອາ​ເມ​ລິ​ກາ ​ແລະ ຍີ່​ປຸ່ນ ແລະ ທຸກ​ຄົນ​ໃນທົ່ວ​ໂລກ.

ທ່ານ​ເປັນ​ຄວາມ​ຫວັງ​ທີ່​ຍິ່ງ​ໃຫຍ່​ທີ່​ສຸດ​ສຳ​ລັບ​ປະ​ຊາ​ຊົນ​ທີ່​ຕ້ອງ​ການ​ມີ​ຊີ​ວິດ​ທີ່​ມີ​ເສ​ລີ​ພາບ ແລະ ຄວາມ​ສາ​ມັກ​ຄີ, ​ແລະ ທ່ານ​ເປັນ​ໄພ​ຄຸກ​ຄາມ​ທີ່​ຍິ່ງ​ໃຫຍ່​ທີ່​ສຸດ​ຕໍ່​ການ​​ກໍ່​ການ​ຮ້າຍ ແລະ ຜູ້​ຜະ​ເດັດ​ການ​ຜູ້​ທີ່​ສະ​ແຫວງ​ຫາ​ເຫຍື່ອ​ຜູ້​ບໍ​ລິ​ສຸດ.

​ປະ​ຫວັດ​ສາດ​ພິ​ສູດ​ໃຫ້​ເຫັນ​ຊ້ຳ​ແລ້ວ​ຊ້ຳ​​ອີກວ່າ​ເສັ້ນ​ທາງ​ການ​ກໍ່​ການ​ຮ້າຍ​ແມ່ນ​ການ​ກ້າວ​ສູ່​ຄວາມ​ທຸກ​ຍາກ, ຄວາມ​ທໍ​ລະ​ມານ ແລະ ຄວາມ​ເປັນ​ທາດ.  ແຕ່​ເສັ້ນ​ທາງ​ຂອງ​ປະ​ເທດ​ທີ່​ເຂັ້ມ​ແຂງ ແລະ ປະ​ຊາ​ຊົນ​ທີ່​ມີ​ເສ​ລີ​ພ​າບ, ຄຸ​ນຄ່າ ແລະ ຄວາມ​ເຊື່ອ​ໝັ້ນ​ຂອງ​ເຂົາ​ເຈົ້າ​ໃນ​ອະ​ນາ​ຄົດ​ຂອງ​ເຂົາ​ເຈົ້າ ແມ່ນ​ເສັ້ນ​ທາງ​ທີ່​ພິ​ສູດ​ໃຫ້​ເຫັນ​ເຖິງ​​ການ​ກ້າວ​ສູ່ຄວາມ​ຈະ​ເລີນຮຸ່ງ​ເຮືອງ ແລະ ສັນ​ຕິ​ພາບ.  ພວກ​ເຮົາ​ຫວງ​ແຫນ​ວັດ​ທະ​ນະ​ທຳ​ຂອງ​ພວກ​ເຮົາ, ພວກ​ເຮົາ​ຍອມ​ຮັບ​ຄຸນ​ຄ່າ​ຂອງ​ພວກ​ເຮົາ ແລະ ພວກ​ເຮົາ​ຈະ​ຕໍ່​​ສູ້​ເພື່ອ​ສິ່ງ​​ທີ່​ພວກ​ເຮົາ​ເຊື່ອ​ຢູ່​ສະ​ເໝີ.

ເພາະ​ວ່າ​ທ່ານ, ປະ​ຊາ​ຊົນ​ຊາວອ​າ​ເມ​ລິ​ກາ, ປະ​ຊາ​ຊົນ​ຊາວ​ຍີ່​ປຸ່ນ ແລະ ປະ​ຊາ​ຊົນ​ທີ່​ຮັກ​ຄວາມ​ເສ​ລີ​ພາບ​ທຸກໆ​ແຫ່ງ​ສາ​ມາດ​ບັນ​ລຸ​ເປົ້າ​ໝາຍ​ຂອງ​ເຂົາ​ເຈົ້າ ແລະ ປະ​ຕິ​ບັດ​ຕາມ​ຄວາມ​ຝັນ​ຂອງ​ເຂົາ​ເຈົ້າ.  ແລະ ພວກ​ເຮົາ​​ຂໍ​ຂອບ​ໃຈ​ຕໍ່​ຄອບ​ຄົວ​ຂອງບັນດາ​ທ່ານ, ສຳລັບການ​ເສຍ​ສະ​ລະຂອງ​ເຂົາ​ເຈົ້າ ແລະ ​ການ​ຊ່ວຍ​ເຫຼືອ​ທີ່​ຊ່ວຍ​ເຮັດ​ສຸພາບ​ບູ​ລຸດ ແລະ ສຸພາບ​ສະ​​ຕີ​ທີ່​ກ້າ​ຫານ​ຂອງ​ພວກ​ເຮົາ​​ປະ​ຕິ​ບັດ​ໜ້າ​ທີ່​​ໄດ້​ຢ່າງ​ສົມ​ກຽດ.  ນອກ​ຈາກ​ນີ້ ພວກ​ເຮົາ​ຈະ​ສັນ​ລະ​ເສີນ​ການ​ເສ​ຍ​ສະ​ລະ​ຂອງ​ພົນ​ລະ​ເຮືອນ​ທີ່​ອຸດ​ທິ​ຕົນ​ຜູ້​ທີ່​ຮັກ​ສາ​ຖານ​ທັບ​ແຫ່ງ​ນີ້​ໄວ້ ແລະ ດູ​ແລກອງ​ທັບ​ຂອງ​ພວກ​ເຮົາ ແລະ ບຸກຄົນ​ທີ່​ເປັນ​ທີ່​ຮັກ​ຂອງ​ເຂົາ​ເ​ຈົ້າ.

​ພວກ​ເຮົາ​ຂໍ​ຂອບ​ໃຈ​​ຕໍ່​ການ​ປະ​ຕິ​ບັດ​ໜ້າ​ທີ່​ຂອງ​ທ່ານ ແລະ ຕໍ່​ການ​ເສຍ​ສ​ະ​ລະ​ຂອງ​ທ່ານຢ່າງ​ສຸດຊຶ້ງ.  ​ແລະ ພວກ​ເຮົາ​ເປັນ​ໜີ້​ທ່ານ​ຕະຫຼອດ​ໄປ.

ຂ້າພະ​ເຈົ້າ​ສຸດ​ທີ່​ພູມ​ໃຈ​ທີ່​ໄດ້​ຢູ່​ທີ່ນີ້​ກັບ​ບັນດາ​ທ່ານ​ໃນ​ມື້​ນີ້.  ພວກ​ເຮົາ​ພ​ະ​ເຊີນ​ກັບ​ສິ່ງ​ທ້າ​ທາຍ​ຫຼາຍໆຢ່າງ ​ແລະ ມີ​ໂອກາດຫຼາຍໆ​ຢ່າງ, ພວກ​ເຮົາ​ຈະ​ພະ​ເຊີນ​ກັບ​ພວກ​ມັນ​ທັງ​ໝົດ​ດ້ວຍ​ກັນ​ໃນ​ຖານະ​ເປັນ​ທີ​ມດຽວ​ກັນ.  ​ແລະ ຖ້າ​ພວກ​ເຮົາ​ເຮັດ, ຂ້າ​ພະ​ເຈົ້າ​​ໝັ້ນ​ໃຈ​ວ່າ​ອະ​ນາ​ຄົດ​ສຳ​ລັບ​ອາ​ເມ​ລິ​ກາ, ສຳ​ລັບ​ຍີ່​ປຸ່ນ ແລະ ສຳ​ລັບ​ພັນ​ທະ​ມິດ​ທີ່​ຮັກ​ແພງ​ຂອງ​ພວກ​ເຮົາ​ຈະ​ບໍ່​​ວັນສົດ​ໃສກວ່າ​ນີ້​ອີກ​ແລ້ວ.  ​ຍ້ອນ​ມີ​ຜູ້​ຮັກ​ຊາດ​ເຊັ່ນ​ບັນດາ​ທ່ານ, ​ເສລີ​ພາບ​ຈະຍັງ​ຄົງ​ຢູ່.

ຂໍຂ​ອບ​ໃຈ.  ຂໍ​ໃຫ້​ພະ​ເຈົ້າ​ຄຸ້ມ​ຄອງບັນດາ​ທ່ານ.  ຂໍ​ໃຫ້​ພະ​ເຈົ້າ​ຄຸ້ມ​ຄອງ​ກອງທັບ.  ​ແລະ ຂໍ​ໃຫ້​ພະ​ເຈົ້າ​ຄຸ້ມຄອງ​ສະຫະລັດ​ອາ​ເມ​ລິ​ກາ. ຂໍຂ​ອບ​ໃຈ.  ຂໍ​ຂອບ​ໃຈ​ທຸກຄົນ.  (ຕົບມື).  ຂໍຂ​ອບ​ໃຈ.


ເອກະສານສະບັບແປສະບັບນີ້ແມ່ນມີໃຫ້ເພື່ອອໍານວຍຄວາມສະດວກ ແລະ ຕົ້ນສະບັບພາສາອັງກິດເທົ່ານັ້ນທີ່ຈະມີຜົນສັກສິດ.
ການອັບເດດອີເມວ
ເພື່ອລົງທະບຽນຮັບການອັບເດດ ຫຼື ເຂົ້າເຖິງຄວາມຕ້ອງການຂອງຜູ້ຕິດຕາມຂອງທ່ານ, ກະລຸນາໃສ່ຂໍ້ມູນຕິດຕໍ່ຂອງທ່ານຂ້າງລຸ່ມນີ້.