rss

عیدالفطر کے موقع پر وزیرخارجہ مائیک پومپئو کا پیغام

English English, العربية العربية, Français Français, हिन्दी हिन्दी, Русский Русский, Español Español, Português Português

امریکی دفتر خارجہ
دفتر برائے ترجمان
برائے فوری اجرا
14 جون

 
 

عیدالفطر کے موقع پر میں امریکی دفتر خارجہ کی جانب سے اپنے مسلمان دوستوں اور شراکت داروں کے لیے نیک خواہشات کا اظہار کرتا ہوں۔

خوشیوں کا یہ تہوار روزے، خیرات، خداترسی اور غوروفکر کے مہینے رمضان کے اختتام پر آتا ہے۔ عیدالفطر امریکہ اور بیرون ملک مسلمانوں اور غیرمسلموں سمیت سبھی کو رمضان میں سیکھے اسباق کا جذبہ پورے سال برقرار رکھنے کی یاددہانی کراتی ہے۔ رمضان کے ان اسباق میں امن کا فروغ، مصیبت زدہ اور بے خانماں لوگوں کی خدمت، تنوع کا احترام اور اپنے اردگرد ہر ایک سے ہمدردی ہے۔

امریکہ کو دنیا بھر میں مسلم اقوام اور برادریوں کے ساتھ اپنے مضبوط تعلقات پر فخر ہے۔ ہمیں اپنے ہاں 34 لاکھ امریکی مسلمانوں کی موجودگی پر بھی فخر ہے جو روزانہ بنیادوں پر ہماری سماجی ساخت کو بھرپور انداز میں آراستہ کرتے ہیں۔ اس سے مذہبی تکثیریت اور عوامی خدمات سے متعلق امریکہ کے بنیادی اصولوں کا اظہار ہوتا ہے۔

آپ اپنے عزیزوں کے ساتھ یہ خاص تہوار منا رہے ہیں اور اس موقع پر میں آپ کے لیے امن اور خوشحالی سے بھرپور سال کی خواہش کرتا ہوں۔ عید مبارک


یہ ترجمہ ازراہِ نوازش فراہم کیا جا رہا ہے اور صرف اصل انگریزی ماخذ کو ہی مستند سمجھا جائے۔
تازہ ترین ای میل
تازہ ترین اطلاعات یا اپنے استعمال کنندہ کی ترجیحات تک رسائی کے لیے براہ مہربانی اپنی رابطے کی معلومات نیچے درج کریں