rss

مذہبی آزادی کے فروغ پر وزارتی اجلاس

English English, العربية العربية, Français Français, Русский Русский, Português Português, Español Español, हिन्दी हिन्दी

امریکی دفتر خارجہ
دفتر برائے ترجمان

 
 

غیرریاستی کرداروں بشمول دہشت گرد گروہوں کے مذہبی آزادی پر جبر سے متعلق بیان

عالمی برادری کے نمائندوں کی حیثیت سے ہم دہشت گرد اور متشدد انتہاپسند گروہوں کی جانب سے مذہبی آزادی کی باقاعدہ، جاری اور سنگین پامالیوں کی مشترکہ طور پر مذمت اور پُرتشدد انتہاپسندی کی روک تھام اور اس کا مقابلہ کرنے کی عالمگیر کوششوں کی حمایت کرتے ہیں۔ ہم دہشت گردی کے متاثرین سے یکجہتی کا اظہار کرتے ہیں اور حکام پر زور دیتے ہیں کہ وہ متعلقہ عالمی قانون کی مطابقت سے انصاف اور احتساب کریں۔ ہم دہشت گردانہ تشدد کا نشانہ بننے والے مذہبی گروہوں اور دوسرے لوگوں کی مدد جاری رکھنے اور دہشت گردوں کو ان کے جرائم پر احتساب کے کٹہرے میں لانے کے لیے فوری اقدامات کا عہد کرتے ہیں۔

دہشت گردی کا سبب بننے والی متشدد انتہاپسندی کسی ایک قومیت، ثقافت، خطے، معاشی ترقی کے درجے یا تمدن تک محدود نہیں ہے۔ ہم تمام حکام پر زور دیتے ہیں کہ وہ قانون کے تحت مساوی طور سے تمام لوگوں کا خیال رکھیں۔ اس ضمن میں کسی مذہبی شناخت کو مدنظر رکھا جائے اور نہ ہی انسداد دہشت گردی کے قوانین اور ریاستی سلامتی کے ذرائع سمیت کسی کسی اختیار کو مذہبی و دوسرے گروہوں پر جبر کے لیے استعمال کیا جائے۔ ہم سول سوسائٹی اور مذہبی رہنماؤں پر زور دیتے ہیں کہ وہ اکٹھے ہو کر باہمی سمجھ بوجھ، اجتماعیت اور رواداری کے احترام اور عالمگیر انسانی حقوق و انسانی وقار کے لیے کام کریں۔ ہم تمام حکومتوں پر زور دیتے ہیں کہ وہ ایسی ہر آزادانہ کوشش کی منظوری دیں اور اس کی مدد کریں۔


یہ ترجمہ ازراہِ نوازش فراہم کیا جا رہا ہے اور صرف اصل انگریزی ماخذ کو ہی مستند سمجھا جائے۔
تازہ ترین ای میل
تازہ ترین اطلاعات یا اپنے استعمال کنندہ کی ترجیحات تک رسائی کے لیے براہ مہربانی اپنی رابطے کی معلومات نیچے درج کریں