rss

نائن الیون کے دہشت گرد حملوں کی برسی پر وزیر خارجہ پومپئو کا بیان

English English, العربية العربية, Français Français, हिन्दी हिन्दी, Português Português, Русский Русский, Español Español

امریکی دفتر خارجہ
دفتر برائے ترجمان
برائے فوری اجرا
11 ستمبر 2018

 
 

کل ہم قریباً 3000 لوگوں کو خراج عقیدت پیش کریں گے جو 17 برس قبل 11 ستمبر کو دہشت گرد حملوں میں مارے گئے تھے۔ کل لیبیا میں سفیر جے کرسٹوفر سٹیونز، گلین ڈورٹی، شوآن سمتھ اور ٹائرون وڈز کی جانوں کے ضیاع کے افسوسناک واقعے کو بھی چھ برس مکمل ہو رہے ہیں۔

9/11 کے متاثرین کی متنوع قومیتیں اور لیبیا کا حملہ ہمیں یاد دلاتا ہے کہ دہشت گردی ایک عالمگیر مسئلہ ہے اور اسے شکست دینے کے لیے ہر خودمختار ملک کی جانب سے کوششیں ضروری ہیں۔ انسداد دہشت گردی میں سفارت کاری کا مرکزی کردار ہے جس کے ذریعے انتہاپسندی کا مقابلہ کرنے کے ساتھ ساتھ دنیا بھر میں استحکام اور آزادی کو فروغ دیا جاتا ہے۔ اگرچہ گزشتہ 17 برس میں ہم نے بہت سی منازل طے کی ہیں تاہم دہشت گردی کے خاتمے کی ہماری کوششیں آج بھی جاری ہیں۔ امریکی دفتر خارجہ کے مردوخواتین اس کوشش میں فخریہ طور سے دنیا بھر کے شراکت داروں کے شانہ بشانہ کھڑے ہیں اور امن، سلامتی و انصاف کی راہ میں ہمارا عزم کبھی متزلزل نہیں ہو گا۔

کل ہم دنیا بھر کے لوگوں کے ساتھ مل کر 9/11 کے متاثرین کی یاد منائیں گے۔ بچھڑنے والوں کو ہمیشہ یاد رکھا جائے گا۔ ہم اپنی افواج کے مردوخواتین کے لیے رہنمائی، فراست اور سلامتی کی دعا کرتے ہیں جو دنیا کو دہشت گردی سے بچانے کے لیے روزانہ جدوجہد میں مصروف ہیں اور ہم خطرات و امن کے دور میں اپنے ملک اور دنیا کے اتحاد کی دعا کرتے ہیں۔


یہ ترجمہ ازراہِ نوازش فراہم کیا جا رہا ہے اور صرف اصل انگریزی ماخذ کو ہی مستند سمجھا جائے۔
تازہ ترین ای میل
تازہ ترین اطلاعات یا اپنے استعمال کنندہ کی ترجیحات تک رسائی کے لیے براہ مہربانی اپنی رابطے کی معلومات نیچے درج کریں