rss

خواتین کے عالمی دن پر وزیر خارجہ پومپئو کا بیان

العربية العربية, English English, Español Español, Français Français, Português Português, हिन्दी हिन्दी, Русский Русский

امریکی دفتر خارجہ
دفتر برائے ترجمان
برائے فوری اجرا
8 مارچ 2019

امریکہ 8 مارچ کو خواتین کا عالمی دن فخریہ طور سے مناتا ہے۔ ہم دنیا بھر میں ہر طرح کی خواتین اور لڑکیوں کے احسان مند ہیں جنہوں نے مسائل اور مشکلات کا سامنا کرنے والوں کو سہارا دینے اور اپنے لوگوں اور ممالک کو بڑی  ترقی کی راہ پر ڈالنے میں وسیع کردار ادا کیا ہے۔ امریکہ اقتدار کے ایوانوں میں قیادت کا فریضہ انجام دینے والی، کمرہ ہائے جماعت اور تجربہ گاہوں میں لوگوں کی زندگیاں تبدیل کرنے والی، خاندانوں اور معاشروں میں اپنا کردار ادا کرنے والی اور بیماری و غربت کے خاتمے کا حل دریافت کرنے والی خواتین کے لیے اپنی تائید کی ازسرنو توثیق کرتا ہے۔ خواتین کے مساوی درجے کی راہ میں رکاوٹیں تاحال موجود ہیں۔ بہت سی جگہوں پر اب بھی خواتین اور لڑکیوں کو بنیادی حقوق میسر نہیں ہیں اور انہیں سماج میں اپنے جائز مقام کے حصول سے روکا جاتا ہے۔ ہماری تگ و دو ایک ایسی دنیا کے لیے ہے  جہاں خواتین اور لڑکیاں اپنی پوری صلاحیت سے کام لینے کے لیے آزاد ہوں اور اپنے اہلخانہ، سماج اور ممالک میں وقار سے زندگی بسر کریں۔

جیسا کہ ہم نے گزشتہ روز دنیا بھر کی باہمت خواتین کو اعزازت دیے جانے کی تقریب میں دعویٰ کیا تھا ، باہمت خواتین بہتر دنیا کے لیے تحریک مہیا کرتی ہیں اور سبھی کے لیے امن، خوشحالی اور سلامتی ممکن بنانے میں ان کا لازمی کردار ہے۔ سماج اور آنے والی نسلوں کی بہتری کے لیے کام کرنے والی بہت سی خواتین کی ان باہمت نمائندوں کی خدمات کا اعتراف امریکہ کے لیے اعزاز ہے۔ خواتین کا عالمی دن ہمیں خود کو صنفی مساوات کے لیے ازسرنو وقف کرنے اور ان خواتین کو یاد کرنے کی تاکید کرتا ہے جن کے پاس سبھی کی بہتری کے لیے دنیا کی نصف آبادی کے حقوق کے لیے آواز بلند کرنے کی بصیرت تھی۔


یہ ترجمہ ازراہِ نوازش فراہم کیا جا رہا ہے اور صرف اصل انگریزی ماخذ کو ہی مستند سمجھا جائے۔
تازہ ترین ای میل
تازہ ترین اطلاعات یا اپنے استعمال کنندہ کی ترجیحات تک رسائی کے لیے براہ مہربانی اپنی رابطے کی معلومات نیچے درج کریں