rss

وزیر خارجہ مائیکل آر پومپیو کا عالمگیر اتحاد برائے مذہبی آزادی کے عشائیے سے خطاب

हिन्दी हिन्दी, English English

امریکی دفتر خارجہ
دفتر برائے ترجمان
وزیر خارجہ مائیکل آر پومپیو کا عالمگیر اتحاد برائے مذہبی آزادی کے عشائیے سے خطاب
بنجمن فرینکلن روم
واشنگٹن ڈی سی
5 فروری 2020

 

وزیر خارجہ پومپیو: سبھی کو شام بخیر۔ خوش آمدید۔ یہ اہم لمحہ ہے اس کے لیے بہت سا وقت صرف ہوا اور بہت سا کام ہوا، آپ سب نے اور ہماری ٹیموں نے بہت سا کام کیا۔ اسی لیے میں آپ سبھی کے شکریے سے بات شروع کرنا چاہتا ہوں کہ آپ یہاں آئے اور اس نہایت اہم موقع پر ہمارے ساتھ شامل ہوئے۔ اس خوبصورت کمرے، بنجمن فرینکلن روم میں آپ کا خیرمقدم کرنا واقعتاً بہت بڑا اعزاز ہے، یہ بے حد تاریخی جگہ ہے۔ اس دنیا میں ہونے والے بہت سے غیرمعمولی طور سے اہم کاموں کا آغاز بالکل یہیں سے ہوا اور اسی لیے ہم نے سوچا کہ آج شب اپنی کوشش کے آغاز پر اس جگہ کھانے کے لیے جمع ہونا بے حد مناسب ہو گا۔

یہ عالمگیر مذہبی آزادی سے متعلق اتحاد کا باقاعدہ آغاز ہے۔ یہ ایسے ہم خیال شراکت داروں کا اتحاد ہے جو ہر انسان کے لیے عالمگیر مذہبی آزادی کی قدر کرتے اور اس کے لیے جدوجہد کرتے ہیں۔

جب میں نے گزشتہ جولائی میں اسی عمارت میں مذہبی آزادی کے فروغ کے لیے دوسرے وزارتی اجلاس کے انعقاد کا اعلان کیا تھا تو اسی وقت ہم نے اس اہم کوشش کے لیے کام تیز کر دیا تھا۔

آج سے قریباً پانچ ماہ پہلے صدر ٹرمپ نے اقوام متحدہ میں اس اتحاد کے حوالے سے ہمارے تصور کو صراحت سے بیان کرتے ہوئے کہا تھا کہ یہ اقوام متحدہ میں کسی امریکی صدر کی جانب سے منعقدہ مذہبی آزادی کے حوالے سے پہلی تقریب ہے۔ میں جانتا ہوں کہ آپ میں بہت سے لوگ اس دن ہمارے ساتھ موجود تھے۔

لوگوں کے اپنے ضمیر کی آواز کے مطابق جینے کے حق کا تحفظ موجودہ امریکی انتظامیہ کی اولین ترجیحات میں سے ایک ہے۔ میں حال ہی میں مشرقی یورپ اور وسطی ایشیا کے دورے سے واپس آیا ہوں۔ اس دوران میری یوکرائن کے آرتھوڈوکس چرچ کے رہنماؤں سے ملاقات ہوئی جو روسی حکومت کی مداخلت کے بغیر آزادانہ طور سے عبادت کا حق لینے کی جدوجہد کر رہے ہیں۔ قازقستان میں مجھے چینی کمیونسٹ پارٹی کی جانب سے سنکیانگ میں قید قازق نسل کے لوگوں کے اہلخانہ سے ملاقات کا موقع ملا۔ میں نے بیلارس اور ازبکستان میں رہنماؤں پر زور دیا کہ وہ اپنے لوگوں کو زیادہ سے زیادہ مذہبی آزادی دینے کا اچھا کام جاری رکھیں۔

یہ ایک حقیقی مقصد ہے۔ ہمیں اس امریکی قدر کی حمایت پر فخر ہے اور ہم اسے ایک عالمگیر قدر سمجھتے ہیں۔ اس کی وجہ یہ ہے کہ مذہبی آزادی کا تحفظ خاص طور سےمحض  ایک امریکی ترجیح نہیں ہے۔ دیگر ممالک، اداروں اور آج یہاں ہمارے ساتھ موجود نیٹ ورکس کے تنوع پر نظر ڈالیے۔ ہمارا مقصد قومیتوں، بہت سے سیاسی نظام اور عقائد تک پھیلا ہوا ہے۔ ہم اکٹھے ہو کر یہ کہتے ہیں کہ مذہب یا عقیدے کی آزادی مغربی تصور نہیں ہے بلکہ یہ واقعاً معاشروں کی بنیاد ہے۔ یہ ہمارے اصولوں کے اعلامیے سے واضح ہے۔ یہ انسانی حقوق کے عالمگیر اعلامیے کی بنیاد ہے۔ ہر انسان کو اپنی خواہش کے مطابق ایمان رکھنے، اپنا عقیدہ تبدیل کرنے یا سرے سے کسی عقیدے پر یقین نہ رکھنے کا حق ہے۔

درحقیقت ہمیں آج اس سچائی کی توثیق اور اس کے لیے جدوجہد کی جتنی ضرورت ہے پہلے کبھی نہ تھی۔ آج دنیا میں دس میں آٹھ سے بھی زیادہ لوگ اپنے عقیدے پر آزادانہ طور سے عمل نہیں کر سکتے۔ ہم مذہبی اقلیتوں کو نشانہ بنانے والے دہشت گردوں اور متشدد انتہاپسندوں کی مذمت کرتے ہیں خواہ ان کے متاثرین عراقی یزیدی ہوں، پاکستانی ہندو ہوں، شمال مشرقی نائجیریا کے عیسائی ہوں یا برما کے مسلمان ہوں۔ ہم توہین مذہب اور الحاد کے حوالے سے بنائے گئے قوانین کی مذمت کرتے ہیں جن کے تحت روحانی  معاملات کو جرم قرار دیا جاتا ہے۔ ہم تمام عقائد کی مخالفت پر چینی کمیونسٹ پارٹی کی مذمت کرتے ہیں۔ ہم جانتے ہیں کہ آپ میں بہت سے لوگوں نے اس اتحاد میں شامل ہو کر چینی دباؤ کا دلیرانہ طور سے مقابلہ کیا ہے اور ہم اس کے لیے آپ کے مشکور ہیں۔

آخر میں مجھے یہ کہنا ہے کہ ہمارے اتحاد کا آغاز اچھے انداز میں ہوا ہے کہ ممالک اس مقصد کو آگے بڑھانے کے لیے اپنا کردار ادا کر رہے ہیں۔ آج شب مجھے یہ اعلان کرتے ہوئے سب سے زیادہ خوشی ہے کہ پولینڈ مذہبی آزادی کے فروغ کے لیے آئندہ وزارتی  اجلاس کا میزبان ہو گا۔ یہ اجلاس جولائی میں منعقد ہونا ہے۔ شکریہ۔

مجھے علم ہے کہ اس وقت یہ بات چیت ہو رہی ہے کہ 2021 میں یہ میزبانی کون کرے گا۔ ہم یہ اعلان جلد کریں گے۔ امریکہ واشنگٹن میں دوبارہ اس وزارتی اجلاس کے انعقاد کے لیے پرعزم ہے۔ ہمیں اس بات کی بھی خوشی ہے کہ کولمبیا آئندہ ماہ پہلے علاقائی وزارتی اجلاس کا میزبان ہو گا۔ یہ کثیرملکی کوششیں آزادی معاشروں کی اقدار کی عکاس ہیں۔ مجھے آج یہاں موجود اپنے تمام دوستوں سے یہ کہنا ہے کہ:

آزادی کی آواز پر جواب دینے کا شکریہ۔

مظالم کا شکار لوگوں کے لیے کھڑا ہونے  کا شکریہ۔

حقیقی قیادت کے اظہار کا شکریہ۔

خدا آپ سب پر رحمت کرے اور آئیے اس کام کو آگے لے چلیں۔

شکریہ۔ (تالیاں)


یہ ترجمہ ازراہِ نوازش فراہم کیا جا رہا ہے اور صرف اصل انگریزی ماخذ کو ہی مستند سمجھا جائے۔
تازہ ترین ای میل
تازہ ترین اطلاعات یا اپنے استعمال کنندہ کی ترجیحات تک رسائی کے لیے براہ مہربانی اپنی رابطے کی معلومات نیچے درج کریں